LAOAG CITY – Umabot iti agarop 46 a tattao ti natay idinto a dinosdosena a sabsabali dagiti nasugatan kalpasan a nauram ti 13-storey tower iti ciudad ti Kaphsiung idiay Taiwan.
Segun iti Fire Department, 79 a tattao dagiti naitaray iti ospital no sadinno a 14 kadagitoy ket adda iti kritikal a kondisyon.
Agpapan ita ket saan pay a nalawag no ania ti nangrugyan ti napasamak nga uram.
Naamoan a nagpaot ti uppat nga oras sakbay a naan-anay a nasebseban ti apoy.
Inbatad dagiti otoridad a kaadoan kadagiti agnanaed iti 120 nga apartments ket dagiti nataengan ken addaan ti rangkap iti bagi.
Agtultuloy ti imbestigasyon dagiti otoridad mainaig iti napasamak nga insidente.
