LAOAG CITY – Umaboten iti agarop 111 a tattao ti natay idiay Madagascar gapu iti iduduprak ti Cyclone Batsirai iti kallabes.
Malaksid kadagiti natay ket ado pay a balay ti nadadael gapu iti napigsa nga angin ken tudo no sadinno nga umabot iti 30 ribo a tattao ti naapektaran ken agnanaed da iti agdama iti emergency shelters.
Basar iti National Emergency Agency, naipagagangayen ti iduduprak ti napipigsa a bagyo iti lugar ngem ti makitkita da a rason ket ti climate crisis.
Inpakaammo ti ahensya a 87 manipod kadagiti 111 a pimmusay gapu iti bagyo ket manipod iti south-eastern district iti Ikongo.
