LAOAG CITY – Umaboten iti 20 a tattao ti rumrumuar a pimmusay iti Bicol region gapu iti iduduprak ti bagyo Kristine.
Daytoy ti inbatad ni Police Regional Office-5 chief Police Brigadier General Andre Dizon.
Segun ken ni Dizon, ti nasao a bilang ket i-validate da paylaeng iti Department of the Interior and Local Government-Management of the Dead and Missing.
Inpakaammo na a manipod iti nasao a bilang ket pito ti nairekord manipod Naga, lima iti Catanduanes, uppat iti Albay ken saggaysa iti Camarines Norte, Camarines Sur, Sorsogon, ken Masbate.
Basar iti report, dagiti biktima ket pimmusay gapu iti pannakalmes, landslide ken natupakan kadagiti naspak a kayo.
Malaksid kadagiti natay ket adda pay ti uppat a sabsabali dagiti naireport a mapukpukaw, no sadinno a dua ti aggapo iti Masbate ken saggaysa iti Camarines Sur ken Albay.
