LAOAG CITY – Umaboten iti 24 a tattao ti natay idinto a 19 a sabsabali dagiti nasugatan iti agtultuloy a wildfires iti South Korea.
Daytoy ti inbatad ni South Korean Acting President Han Duck-soo.
Mainaig iti daytoy, inbatad dagiti otoridad a kaadoan kadagiti natay ket agrawen ti 60 agingga iti 70.
Malaksid kadagiti natay ken nasugatan ket adda pay ti nasurok a 23 a ribo a tattao ti naibakwit.
Basar iti report, karaman kadagiti nauram ket ti 1,300-year-old Gounsa temple iti ciudad ti Uiseong no sadinno nga ado dagiti cultural relics a naikkat ken naiyakar iti nataltalged a lugar.
