LAOAG CITY – Umaboten iti 30 a paltog ti naisuko iti Philippine National Police iti ciudad ti Batac sipud idi Hunyo ita a tawen.
Daytoy ti inpakaammo ni Police Lt. Col. Adrian Gayuchan, ti chief of police iti ciudad ti Batac.
Inbatad na a resulta daytoy ti naiget a kampanya da a naiget a maipawil ti agikot ti paltog kabayatan ti election period kangrunaan na ket umadanin ti pannakaisayangkat ti Barangay ken Sang Kabataang Elections 2023.
Segun ken ni Gayuchan, kaadwan kadagiti naisuko kadakwada ket dagiti expired ti lisensiya na a paltog no sadinno a dagiti dadduma ket bagi dagiti kandidato iti Barangay ken Sang Kabataang Elections.
Mainaig iti daytoy, inpakaammo ni Gayuchan a manarimaan iti panangiwayat da iti oplan katok kadagiti firearms owners.
Inpetteng na a gutgutiguten da dagiti agtagikua iti paltog a mabalin da nga ipadulin paylaeng iti Philippine National Police dagiti igamda para iti safekeeping.
