LAOAG CITY – Umaboten iti innem a barangay ti apektado ti African Swine Fever (ASF) virus iti ili ti Vintar.
Daytoy ti inbatad ni Doctor Myrna Simon, ti Municipal Aggriculturist iti nasao nga ili.
Segun kenkuana, immuna a naapektaran ti ASF virus iti Barangay Dipilat, simmaruno iti Barangay Alejo, Malasig, Parot, Tamdagan, ken Bisaya.
Inpakaammo na a dagiti naapektaran ti virus ket agpapada nga hog raisers.
Inpasingked ni Simon nga agtultuloy ti panagmonitor da tapno saanen a manayunan pay ti bilang dagiti barangay iti nasao nga ili a naapektaran ti ASF virus.
