LAOAG CITY -Umabot iti agarop 356,800 nga indibidwal ti apektado ti El Niño iti intero a pagilian.
Daytoy ti inbatad ti Department of Social Welfare and Development (DSWD).
Iti media briefing, inrakurak ni DSWD Spokesperson and Assistant Secretary Irene Dumlao a ti 356,800 nga indibidwal ket katukad ti 189,994 a pamilya.
Segun ken ni Dumlao, dagiti apektado a residente ket manipod iti nagduduma lugar iti pagilian partikular iti Ilocos Norte iti Region 1; Cagayan, Isabela ken Nueva Vizcaya iti Region 2; Oriental Mindoro iti MIMAROPA Region; Albay, Camarines Norte, Catanduanes iti Region 5; Cebu iti Region 7; Leyte, Northern Samar ken Western Samar iti Region 8; Mountain Province iti Cordillera Administrative Region; ken Dinagat Islands iti Caraga Region.
Innayon na nga adda payen ti sumagmamano a lokal a gobierno ti nagdeklarar ti state of calamity gapu iti tikag, uray dagiti ili ti Alabat, Guinayangan, Jomalig, ken General Nakar iti Quezon Province.
Ti ahensya ket addaan ti standby funds nga agdagop ti P1.4 bilyon, karaman ti P3.8 milyon a balor ti prepositioned family food packs.
Nangipatungpal metten ti ahensya ti mitigation efforts tapno masolusyunan ti panagkurkurang ti danom ken food insecurity.
Namnamaen a mapasaran ti nakarkaro nga El Nino phenomenon mangrugi ita a bolan ti Oktubre ken possible nga agpaot agingga iti Hunyo 2027.
