LAOAG CITY – Umaboten ti 50 nga indibidual dagiti natiliw a naglabsing ti Enhanced Community Quarantine (ECQ) ditoy probinsya.
Inbatad ni Police Lt. Col. Rafael Lero, ti mangidadaulo iti Provincial Operations and Plans Branch iti Ilocos Norte Police Provincial Office a ti nasao a bilang ket nairekord da sipud idi nangrugi a naipatungpal ti ECQ.
Segun kenkuana, manipod iti nasao a bilang ket pito dagiti nanglabsing ti curfew idinto a 43 dagiti natiliw gapu iti disobedience.
Inpakaammo na a dagiti pito a natiliw gapu iti panaglabsing da ti curfew ket agpapada a taga Pagudpud.
Innayon na a dagiti natiliw gapu iti disobedience ket kaadoan ti manipod ditoy ciudad ti Laoag a nakairekord ti 11, walo iti ili ti Piddig, saglilima iti ili ti Adams, Vintar ken Dingras.
Inpasingked ni Lero a dagiti natiliw ket napilaan da amin ti reklamo.
