LAOAG CITY – Mabalin a masolbar ita a tawen dagiti immuna a kaso mainaig iti flood control scandal nga agdama a madengdengngeg iti Sandiganbayan.
Kabayatan ti deliberasion ti Senate Finance Committee para iti proposed judiciary budget para iti tawen 2027, impakaammo ni Sandiganbayan Presiding Justice Geraldine Faith Econg a mabalin nga ipaulog ti korte ti desision mainaig iti pannakakonbiktar wenno pannakaabsuelto dagiti akusado.
Segun ken ni Justice Econg, naalisto ti panagdur-as ti umuna a kaso nga inpila ti Office of the Ombudsman idi Nobiembre 18, 2025 ken iti agdama ket adda iti defense stage awan pay a makatawen.
Impaganetget ti opisyal a no masurot dagiti probision ti Speedy Trial Act nga inkeddeng ti Korte Suprema, dakkel ti posibilidad a maileppas ken maikeddeng ti nasao a kaso sakbay ti panaggibus ti tawen.
Karaman kadagiti high-profile individuals a natiliw ken agdama a nakabalud gapu iti maipagarup a pannakairamanda iti flood control scandal ket da dati a House Speaker Martin Romualdez ken Senador Jinggoy Estrada.
