LAOAG CITY – Nangipatulod ti United Kingdom iti ad-ado a RAF jets iti Middle East kabayatan ti kumarkaro a rinnupak iti nagbaetan ti Israel ken Iran.
Daytoy ti inwaragawag a mismo ni United Kingdom Prime Minister Sir Keir Starmer.
Inlawlawag ni Starmer nga inpatulod da dagiti military aircraft para iti contingency support iti intero a rehiyon.
Maipalagip a ti naudi a panangideploy ti United Kingdom iti military aircraft iti rehiyon ket iti napalabas a tawen.
Immunan a nagpangta ti Iran a puntiryaen da ti military bases ti United Kingdom, France ken Estados Unidos iti rehiyon no mangidiaya da ti tulong iti Israel.
