LAOAG CITY – Inlawlawag ni Senior fire Officer II Darwin Labii, ti Fire Marshall ti BFP-Marcos nga agtultuloy ti naun-uneg nga imbestigasyon da seknan iti pannaka-uram dagiti agina iti Barangay Lydia iti nasao nga ili.
Binigbig ni Labii ti ina a ni Angie Tabunes Lubong, agtawen ti 25 ken ti anak na nga agtawen ti maysa.
Inbatad na a basar iti panagimbestigar da ken ti palawag dagiti nakakita ket agltuluto ni Lubong idi kellaat a naggil-ayab ti apoy.
Segun kenni Labii, idi manarimaan nga aglutluto ti biktima iti dalikan ken posible nga adda ti naitayab a beggang iti plastic a botelya a naglaon ti gasolina.
Kunana a ti gasolina ket nabati iti nausar a panagkuliglig ken naibati iti asideg ti dalikan wenno maysa a metro ti kaadayo na.
Iti agdama ket nagtalinaed iti Mariano Marcos Memorial Hospital and Medical Center iti ciudad ti Batac dagiti agina kalpasan a nagsagaba dagitoy ti 2nd degree burn.
