LAOAG CITY – Inbatad ti Philippine National Police iti ili ti Solsona a saan a nakainom iti nasanger ti biktima iti desgrasya a napasamak iti Barangay Santiago iti nasao nga ili.
Binigbig ni Police Captain Randy Damo, ti chief of police iti ili ti Solsona, ti biktima a ni Izam cabinian y Mandac, agtawen ti 32, ken residente iti Barangay Anao iti ili ti Piddig.
Innayonna a ti biktima ket nakasuot ti high visibility vest ken helmet idi napasamak ti desgrasya.
Kinumpirmaran pay ni Damo a ti nakapasamakan ti insidente ket addaan ti street lights.
Maipalagip a dead on the spot ti maysa a lalaki kalpasan a naidungpar iti poon ti kayo ti narra ti nagluganan na a motorsiklo iti Brgy. Santiago iti ili ti Solsona.
Segun ken ni Damo, bayat ti panagdaldalyasat ni Mandac iti agkurba a paset ti kawatiwatan ti Brgy. Santiago iti ili ti Solsona ket napukawan ti kontrol iti iturturong na a motorsiklo a nangitunda ti pannaka-disgrasya na.
