LAOAG CITY – Umaboten iti 76 ti natay kabayatan a 13 ti mapukpukaw ken 43 ti nairekord a survivor iti insidente ti uram ti maysa a barko a MV June Aster iti kabaybayan ti Coron, Palawan iti Setiembre 9, 2026.
Basar iti opisial a manifesto, adda pakabuklan nga 134 nga indibidual ti lugan ti barko no sadinno 117 ket pasahero ken 17 a crew.
Segun iti Philippine Coast Guard (PCG), narekobre idi Sabado, Setiembre 12 ti rabii ti rescue teams ti kanayonan a 41 a bangkay nga intaray iti port ti Coron.
Ti MV June Aster ket tagikua ti Atienza Interisland Shipping Lines ket naggapu iti Baseco, Manila ken nagturong iti Coron a nakapasamakan ti insidente.
Kabayatanna, agtultuloy ti search and rescue operation para kadagiti mapukpukaw kabayatan ti maisaysayangkat nga imbestigasion tapno maamoan ti gapuanan ti uran ken dadduma pay a detalye ti insidente
