LAOAG CITY – Kinumpirmaran ni Mayor Fritzie dela Cruz Gapasin iti ili ti Bacarra a basr iti findings ti DILG ket adda ti probable cause na ken mabalin a makaswan ni Barangay Chairman Derek Velasco iti Barangay 40, Buyon iti nadakamat nga ili.
Daytoy ket pakaseknan pay laeng iti panag-cash advance ni Velasco idi Mayo ngem naibunong laeng idi bulan ti Agosto.
Segun kenni Gapasin, rimwar ti resulta ti panagimbestigar ti DILG idi Oktubre 16 kalpasan ti agarop makabulan sipud idi nangipatulod ti surat iti ahensya tapno maimbestigar daytoy a banag.
Ummuna iti daytoy, kuna ni Gapasin nga ado dagiti mapmapan iti opisina na a mangibagbaga nga awan ti cash assistance a naawat rason a nangipatulod ti surat iti DILG, malaksid laeng iti kalikagom na a masapol a maipaayan dagiti kailya na ti tulong pinansyal.
Naamoan nga idi Sept. 23 ket adda ti sungbat ti DILG no sadinno ket pagsngsungbaten na ni Velasco ken naipatulod met ti kapitan ti sungbat na idi Sept. 28.
Kuna ni Gapasin a karaman kadagiti nagbalin a sungbat ni Velasco ket saan na a naan-anay nga ammo dagiti ordinansa iti barangay da ken ti pannakai-modify dagiti dokumento.
Inlawlawag met ti mayor a saan a mabalin nga imodify dagiti dokumento no diket maamemdaran ken mareview ti Sang. Bayan tapno maaprubaran.
Inpetteng na a ti nakaskasdaaw ket ti pinareview ni Velasco iti Sang. Bayan a tallo a panid nga ordinansa no sadinno a ti naikailanad ket amin a residente ti Barangay Buyon ti makaawat ngem sabali ti naipan iti sungbat na iti DILG.
