LAOAG CITY – Mannarimaan ti pannakimbestigar ti maysa a construction worker a kinettelna ti bukudna a biag iti Barangay Tartarabang iti ili ti Pinili.
Segun ken ni P/Maj. Antonio Marzan, Hepe ti Pinili Municipal Police Station, a mabalin nga problema pinansial ti gapu na nupay awan pay ti kompirmasion daytoy.
Kunana a mabalin pay a rason ti pannakipallot na gapu ta daytoy ket ‘boy’ ti maysa a farm.
Nupay kasta, awan pay ti kompirmasion no ania ti pudno a rason gapu ta mannarimaan pay laeng ti pannakaimbestigarna.
Maipalagip a ti biktima ket nasarakan ti inana a nakabitin iti uneg ti comfort room iti pagtaenganda iti oras ti ala una ti parbangon.
