LAOAG CITY – Kinumpirmaran ni Police Master Sergeant Christopher Pajinag, chief investigator ti PNP- Batac a pimmusayen ti driver ti motorsiklo a nakadungpar iti maysa a lakay iti paset ti Barangay Bil-loca iti nasao a ciudad.
Nabigbig ti driver a pimmusay a ni Silvestre Albertson Baguio y Resurrection, 31, ken residente iti Barangay San Fernando iti ili ti San Nicolas.
Segun kenni Pajinag, pimmusay ni Baguio bayat a maag-agasan iti opsital iti nadakamat a ciudad.
Kabayatanna, nakarwaren iti ospital ti live-in partner ni Baguio a lubbon na idi napasamak ti insidente a ni Ara Villasan y Corpuz, 22 ken residente iti Barangay Parangopong iti nadakamat a ciudad.
Maipalagip a naideklara a dead on arrival ti nadungpar ni Baguio a ni Mr. Renato Madriaga y Galzote, 66, naasawaan ken residente iti Barangay Bil-loca.
