LAOAG CITY – Nagkedked nga agkomento ni Police Lt. Ralph Dayag, ti chief of police iti ili ti Pasuquin mainaig iti sangsangwen da a kaso a grave misconduct nga inpila ti Provincial Internal Affairs Service (PIAS) iti Police Provincial Office(PPO).
Daytoy ket gapu iti pannakapaltog ni Reynaldo Rapol kabayatan ti illegal gambling operation nga insayangkat dagiti kameng ti pulisya iti paset ti Barangay Davila iti nasao nga ili.
Kadwa ni Dayag a napilaan ti kaso da Police Staff Sergeant Marawi Torda kenni Patrolman Robin Andres iti nasao met la a cuerpo ti pulisya
Kuna ni Dayag a naisumitir da aminen nga operational ken supporting documents, karaman ti counter affidavit ken komento da mainaig iti inpila a reklamo ti PIAS.
Inbatad na nga ipaima dan iti PIAS no ania ti maiyannatop a proseso gapu ta daytoy ti pannaka-korte ti PNP.
Kabayatanna, inpasingked ni Dayag nga “authentic” ti naawat da a medico legal certificate ni Rapol nga isu ti inusar da iti inpasa da a dokumento.
