LAOAG CITY – Inpetteng ni Barangay Chairman Henry Pascua iti Barangay Peralta iti ili ti Dingras a kanayun na a bagbagaan dagiti drug surrender iti nasao a lugar.
Immuna iti daytoy, natiliw ni Mr. Reynaldo Asuncion, agtawen ti 39, taga Barangay 5 iti ili ti San Nicolas ngem tallon a tawen nga agnanaed iti Barangay Peralta iti ili ti Dingras babaen ti drug buy bust operation iti Barangay Bungcag iti ili ti Dingras.
Segun kenni Pascua, no anya ti nagbasaol na ket masapol a sungbatan nangruna ket naiget ti kampanya ti gobierno kontra iti iligal a droga.
Inbatad na nga awan met ti rekord na a madi iti barangay ngem adda laeng ti saan da a pangkikinnaawatan kadagiti kainoman na ngem saan nag agtennag a nabara a diskusyon.
Nagkedked a mangipaay pay ti komento na seknan iti pannakatiliw ni Asuncion tapno maliklikan a maibaga nga idagel na isuna.
