LAOAG CITY – Immapela iti Korte Suprema ti pamilia ni Mary Jane Veloso nga insigida a resolbaren ti Petition for Writ of Habeas Corpus nga agarup innem a bulanen a nakapenpen sipud idi naipila idi Nobiembre 2025.
Ti petision ket mangkukwestionar iti legalidad ti agtultuloy a panangibalud ken ni Mary Jane iti Correctional Institution for Women.
Inbatad ni Atty. Kathy Panguban ti NUPL Women and Children Committee, karaman ti mosyon ti handwritten ni Mary Jane para iti Chief Justice nga agpanpanawagan a denggen ti petisionda tapno maammoan no adda ti umdas a pagibasaran ti agtultuloy a pannakaibaludna.
Kabayatanna, nakisarita manen ti agasawa a Celia ken Cesar Veloso ken ni Presidente Ferdinand Marcos Jr. nga ipaayanen ti clemency ti anakda.
Kuna ni Cesar a nabayagen nga agdusdusada sipud pay idi 2010.
Kiddaw ni Mrs. Veloso nga inton Domingo, Mother’s Day ken panagkasangayna inton Mayo 10 ket ipaay koman ti Presidente ti ikidkiddawda a makadenna ti anakda.
