LAOAG CITY – Nangisayangkat ti tallo nga aldaw a panagladingit ni Prime Minister Pedro Sánchez ti Spain kalpasan ti nakaam-ames a panagdinnungpar ti dua nga high-speed trains.
Ti nasao nga insidente ket nangitunda iti pannakatay ti 40 nga indibidual.
Ibilang dagiti otoridad a daytoy ti kakaroan a disgresia iti tren iti uneg ti sumagmamano a dekada.
Napasamak ti aksidente sumagmamano nga oras no sadinno nga aggapu ti tren iti Malaga ken agturong daytoy iti Madrid.
Basar iti inisyal nga imbestigasion ket nadiskaril ti maysa a tren a naidungpar iti kasinnabat daytoy.
Agtultuloy ti iwaywayat nga imbestigasion dagiti otoridad mainaig iti aksidente.
