LAOAG CITY – Natiliwen ti suspek ti pammaltog a nakatayan ti maysa a mekaniko iti paset ti Barangay 11 iti ili ti San Nicolas.
Daytoy ti kinumpirmaran ni Police Staff Sergeant Jhan Lay Apostol, imbestigador iti PNP San Nicolas.
Nabigbig daytoy a ni Jefferson Badua Agustin a taga Brgy. 10 iti nasao nga ili ken ti biktima ket ni Edwin Martin Jr. ken taga Brgy. 13 ditoy ciudad ti Laoag.
Maipalagip a kabayatan ti panagpatarimaan ti biktima iti motorsiklo na iti nasao a barangay ket dita a limmabas ti suspek ken sinardengan na daytoy.
Ummunan nga inbatad ni Apostol a basar kadagiti nakakita ket binakal ti suspek ti bato ti biktima ngem nakataray daytoy kalpasan na ket sinublian ti suspek ti biktima ket ditan a pinaltogan na daytoy.
Naitaray iti ospital ngem naideklara a dead on arrival.
First Report: https://www.bomboradyo.com/laoag/mekaniko-natay-kalpasan-a-napaltogan-iti-ili-ti-san-nicolas/
