LAOAG CITY – Nagtalinaed pay laeng iti kwerpo ti pulisya iti ciudad ti Batac dagiti tallo a lallaki a natiliw gapo iti panagsusugal iti Brgy. Baay iti nasao a ciudad.
Nabigbig dagitoy a da Edwin Bartolome, 53, naasawaan, empleado ti STL; Egdar Salvador, 52, naasawaan, mannalon ken ni Charlie Villanueva, 50, naasawaan, driver ken agpapada a residente iti nasao a barangay.
Segun iti PNP-Batac, dumalan dagitoy iti inquest proceedings intono bigat, aldaw ti Lunes.
Maipalagip nga agay-ayam dagiti tallo iti uneg ti kubo-kubo ti agnagan ti Edwin Bartolome idi matiliw dagitoy.
Nakumpiskar ti 420 a pisos a tay, baraha, lamisaan ken 3 a tugaw.
