LAOAG CITY – Umaboten iti 54 a tattao ti natay iti panagbettak idiay Pakistan kabayatan ti rally nga inorganisar ti Islamist party.
Nagballaag met dagiti opisyal a ti posible a ngumato pay ti bilang dagiti natay gapo ta adda dagiti nasugatan nga adda pay laeng iti kritikal a kondisyon.
Agarop met a 200 a tattao pay ti nasugatan iti insidente iti north-west Bajaur district, nga isu ti nakaiyuswatan ti taripnong ti Jamiat Ulema-e-Islam-Fazl (JUI-F).
Naamoan a nasurok sangaribo a tattao ti nagtitipon iti rally para iti Jamiat Ulema-e-Islam (JUI-F), maysa nga ultra-conservative Islamist party ket paset iti ruling coalition ken mabigbigbig a nasinged iti Taliban.
Kabayatanna, inako ti Islamic state group ti responsibilidad iti nadakamat a suicide bombing iti hyber Pakhtunkhwa, ti probinsya nga asideg iti Afghanistan.
