LAOAG CITY – Agpapada a nagsaba iti sugat dagiti uppat a lalaki kalpasan iti panagdinnungpar ti kurong -kurong ken motorsiklo idiay Brgy. Ablan iti ili ti Burgos.
Nabigbig dagiti biktma a da Rey Apuya, nagmaneho ti kurong-kurong ken iti lubbon na a ni Bon Jovy Baniaga, agpada a residente iti brgy. Saoi iti nasao nga ili ; idinto a ti kinadinnungpar da ket ni Alex Rosete, residente iti Brgy. Buduan, ti nangiturong iti motorsiklo ken inlubbon na ni Renate Baligid, agtawen ti 41, awanan ti asawa ken residente iti brgy. Pagali, iti met laeng nasao nga ili.
Segun ti imbestigasyon ti PNP, bayat nga agpapaamyanan a direksyon ti nasao a kurong-kurong a minaneho ni Apuya ket dita sarsarunwen ti motorsiklo nga inturong ni Rosete ket dita a pinataray na ken immagaw iti linya.
Gapu iti daytoy, nadungpar ni Rosete iti nagluganan da Apuya a kurong-kurong ken nadalapus na pay iti nakaparada a honda wave a motorsiklo a kukua ni Randy Pagud iti nasao a lugar.
Nagresulta dayoy iti panagsagaba ti sugat iti nagduduma a paset ti bagi dagiti nasao a biktima..
Dagus met a naitaray da iti ospital para iti naan-anay a pannakataming da.
