LAOAG CITY – Natiliw dagiti uppat a residente iti sitio dos iti Barangay 44, Zamboanga ditoy ciudad ti Laoag gapu iti illegal a panagay-ayam da ti mahjong.
Nabigbig dagitoy a da Avelina Agtang alyas Belen, agtawen ti 50, naasawaan, Jaypee Juan, agtawen ti 25, baro, Marjorie Reyes, agtawen ti 35, awanan ti asawa ken ni Roger Galarpis, agtawen ti 48, awanan asawa, agpapada dagitoy a residente ti nasao a lugar.
Nakumpiskar dagiti otoridad iti lugar ti lamisaan, uppat a mono bloc chairs, 941 a pisos, maysa a plastic box para ti mahjong tiles, ken dadduma pay nga ebidensya.
Iti agdama, maisagsaganan ti kaso a maipila kontra kadagiti suspek.
