LAOAG CITY – Inawagan ni US President Joe Biden ti International Criminal Court war crimes arrest warrant para iti Prime Minister ti Israel nga “outrageous” wenno saan a nainkalintegan.
Daytoy ket kalpasan a nangipaulog ti International Criminal Court ti arrest warrant para ke ni Benjamin Netanyahu, dati a defence minister Yoav Gallant, ken ti maysa a komander ti Hamas a ni Mohammed Deif, a napapatay idi bulan ti Hulio.
Kinuna dagiti hues nga adda “nainkalintegan a rason” ken mamati da a dagiti tallo nga akusado ket addaan ti “criminal responsibility” kadagiti krimen kabayatan ti gubat iti nagbaetan ti Israel ken Hamas.
Immuna iti daytoy ket nangipaay ti Europa ken US iti nagsina nga statement iti warrant, a sumagmamano a pagilian ti Europa ti nagkuna a raemenda dagiti desision ti International Criminal Court.
Kinuna met ti gobierno ti Britania nga ipaima da ti desision ken raemenda ti panagwaywayas ti korte.
Ngem nu pay kasta, agpada a linaksid ti Israel ken Hamas dagiti alegasion nga inruar ti International Criminal Court.
