LAOAG CITY – Intantan ni United States President Donald Trump ti pannakaipatungpal ti 25 a porsiento a taripa idiay Mexico.
Inbatadna a saan pay laeng nga epektibo ita nga Agosto 1 ti nasao a taripa ken daytoy ket maiyalu-od agingga iti 90 nga aldaw.
Inaramid ni Trump ti rakurak kalpasan a nakasaritana iti telepono ni Mexican President Claudia Sheinbaum.
Inlawlawagna a daytoy ket gapu iti problema kadagiti assets ken borders idiay Mexico.
Naammoan a kadagiti sumarsaruno nga aldaw ket makisaritada iti Mexico mainaig iti nasao a banag.
Iti uneg ti 90 nga aldaw ket maaddaan ti panagpinnirma ti dua a pagilian para iti baro a trade deal.
Kabayatanna, maikadua ti Mexico nga agang-angkat ti produkto manipud idiay Estados Unidos a sumarsaruno iti Canada.
