Laoag city – Nagpakdaar manen ni US President Donald Trump seknan iti panangipatungpal na ti tariffs iti Russian goods.
Malaksid iti daytoy ket posible pay a mangipatungpal ni Trump ti linteg a mangdusa iti siasinoman a mangsalungasing iti pagannurutan nangruna no saan nga agsardeng ti rinupak iti nagbaetan tu Ukraine ken Russia.
Iti maysa a post ti Presidente ti Amerika, inbatad na nga iti babaen ti ganuat na pagsardengen ti rinupak ket dakkel a banag para iti Russia nangruna ken ni President Vladimir Putin.
Maiplagip a sakbay pay ti pormal a panagtugaw ni Trump iti pwesto ket inpasigurado-nan a pagsardengen na ti riribuk iti babaen ti full-scale invasion iti Russia.
Ngem no pay kasta, awan pay ti nagbalin a sungbat ti Russia maipapan iti daytoy, ngem inbatad dagiti senior officials nga adda posibilidad a makitinnulag ti Moscow iti agdama nga administrasyon ita iti Estados Unidos.
