LAOAG CITY – Umaboten iti ₱18.55 trilyon ti pakabuklan nga utang ti gobierno idi Mayo basar iti Bureau of the Treasury (BTr).
Nangatngato daytoy ti 0.41% maidasig iti ₱18.47 trilyon idi Abril.
Basar iti Bureau of the Treasury, ngimmato ti utang gapu ta ad-adu ti binulod ti gobierno iti uneg ti pagilian tapno masupusupan ti kasapulan iti pundo iti baet ti agtultuloy a tension iti Middle East.
Nupay kasta, nakissayan ti panagngato ti utang gapu ta pimmigsa ti piso kontra iti United States dollar ken dadduma pay a foreign currencies.
Ngimmato ti 0.65% ti domestic debt iti ₱12.5 trilyon idinto nga apagapaman a bimmaba ti 0.07% ti foreign debt iti ₱6.05 trilyon.
