LAOAG CITY – Makatulong ti routine childhood ken maternal vaccination a mangprotehir dagiti ubbing manipud dagiti heart conditions kas ti heart inflammation ken sumagmamano a congenital heart defects, basar iti perdiatric cardiologist.
Segun ken ni Ma. Conception Sison, dati a chair ti Philippine Heart Association (PHA) Council on Congenital Heart Disease a ti immunization ket saan laeng a makapaprebentar ti viral infections gapu ta sumagmamano nga infections ket maapektaranna ti puso.
Kunana a makatulong ti vaccines tapno maprebentaran ti infections a mangitunda ti inflammation iti heart muscle wenno ‘myocarditis.’
Innayonna a ti routing childhood immunization kas ti measles ken influenza vaccines ket napateg kontra iti infections a mangitunda ti serious complication.
Malaksid iti daytoy, makatulong pay ti maternal immunization a mangprotehir kadagiti saan pay a naipasngay nga ubbing kontra iti infections a mangitunda ti congenital defects kas ti rubella a mangitunda ti serious birth defects no maysa a babai ti nainpeksionan kabayatan ti panagsikog.
Ngem kunana nga adda sumagmamano a live vaccines pakairamanan ti mumps and rubella (MMR) vaccines ti rumbeng a maited sakbay ti panagsikog.
Nadakamat pay ti kinapateg ti pannakataming ti streptococcal throat infections tapno maprebentaran ti rheumatic fever no sadinno makaresuktar ti permanent damage iti heart valves.
Innallukoyna dagiti nagannak nga agtalek kadgiti health professional ken credible sources para iti vaccine information kabayatan ti misinformation ken vaccine hesitancy.
Inpakaamona a dagiti ubbing nga addaan ti existing congenital heart conditions ket agtalinaed a maipaayan ti recommended vaccines malaksid no saan nga advised dagiti doctor.
