LAOAG CITY – Nasugatan dagiti nakalugan iti maysa a pajero kalpasan a nakidinnungpar iti maysa a van iti paset ti Barangay Balatong ditoy ciudad ti Laoag.
Nabigbig ti driver ti van a ni Mr. MJ Julian, agtawen ti 19 ken residente iti Barangay Pila ditoy ciudad ti Laoag idinto a saanen a nagpabigbig ti driver ti pajero ken dagiti uppat nga inlugan na.
Basar iti palawag ti driver ti pajero, saan da a napataray ngem nakigtot isuna idi kelaat a nag U-turn ni van rason a napasamak a desgrasya.
Inbatad na nga awan a pulos ti signal ti van idi ag U-turn isu a saan na a napakadaan ti pasamak.
Naamoan a kalpasan a nag U-turn ti van ket nagderetso pay laeng daytoy agingga a nakadanon iti Mangato Church.
