LAOAG CITY – Naipaman ken ni Vice Governor Matthew Marcos Manotoc iti benneg ti agrikultura ditoy probinsia.
Inbatadna a napateg kenkuana ti pannakaipaima ti responsibilidad tapno mangkita ken mangpapintas ti agrikultura iti probinsia.
Kunana a ti umuna ken kalikagumna nga urnosen ket ti pannakaipaay ti naan-anay a tulong kadagiti mannalon a pakairamanan dagiti livestock raisers ken dagiti mangngalap.
Basar kenkuana, kalikagum ti Provincial Government of Ilocos Norte (PGIN) a saan laeng a ti pannakaipaay ti tulong nudiket ti pannakarikna ti agriculture sector ti naipaay a tulong kadakuada.
Mainaig iti daytoy, kuna ti Bise Gobernador a pursigido ti PGIN ti pannakausar a naimbag ti Bagsakan Center a masarakan iti siudad ti Batac ken ti cold storage facility iti ili a Sarrat.
Kinunana a gagem ti Bagsakan Center ti agtultuloy a pannakailako dagiti produkto ti mannalon kadagiti industrial buyers tapno nangina ti pakailakoan dagiti produktoda.
Malaksid iti daytoy, kuna ti Bise Gobernador a no kasapulan dagiti mannalon ti tulong iti pannakailako dagiti produktoda ket adda ti agri-team ti probinsia a nakasagana a mangtulong kadakuada.
Innayonna a ginutigot dagiti mannalon a no saanda a kasapulan dagiti tulong a naipaay ket mabalinda nga isubli dagitoy ken ipakaammo a dagus ti kiddawda tapno maipaay dagiti pudpudno a kasapulanda.
Kabayatanna, nagyaman ni Vice Governor Manotoc ken ni Governor Cecilia Araneta Marcos para iti daytoy a pannakaipaima keenkuana.
