LAOAG CITY – Nagkiddaw ti pundo ni Vice Mayor Rey Carlos Fariñas ken ni Secretary Oscar Valenzuela, Chairperson ti Dangerous Drugs Board para iti pannakapasayaat iti Bahay Silangan ditoy siudad ti Laoag.
Segun kenni Fariñas, naikkan daytoy ti gundaway tapno makasarita iti nasao a sekretario ket ditoy a nagkiddaw iti pannakasayaat ti nasao a pasdek.
Inladawanna a saanen pay napintas wenno nasayaat ti kita iti Bahay Silangan isut gapuna nga nakiuman daytoy ken kuana tapno mapundoan iti pannakatarimaanna.
Mainaing iti daytoy, kuna ni Fariñas a no mapasayaat ti nasao a pasilidad ket napinpintas a pagnaedan dagiti maikabil ditoy nga indibidual.
Kabayatanna , naamaon a nagserbi ni Oscar kas Chief of Police ditoy siudad ti Laoag idi 1994 ken nagbalin pay daytoy a Provincial Director isi 1997 iti Ilocos Norte Police Provincial Office (INPPO) ditoy probinsia.
