LAOAG CITY – Kinumpirmaran ti kampo ni Vice President Sara Duterte nga adda iti The Hague, Netherlands daytoy bayat nga agtultuloy ti maika-walo nga aldaw ti impeachment trial-na.
Segun ken ni defense spokesperson Atty. Michael Poa, adda iti The Hague ti bise presidente ngem manamnama nga agsubli daytoy iti pagilian. Nupay kasta, awan pay ti inpaay a detalye ti Office of the Vice President mainaig iti gagemna a nagturong iti nasao a pagilain.
Mainaig iti daytoy, adda iti kustodiar ti International Criminal Court (ICC) iti The Hague ti amana a ni dati a Presidente Rodrigo Duterte, a naikeddeng a mausig inton Nobiembre 30 mainaig ti kaso a crimes against humanity.
Kabayatanna sumangsango ni Vice President Sara Duterte ti uppat nga Articles of Impeachment nga adda ti pakainainaiganna iti, saan nga umno a panagusar ti P612.5M a confidential funds ti OVP ken DepEd; saan a mailawlawag a kinabaknang, saan nga umno a panangideklarar ti SALN; bribery ken grave threats iti biagda Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez.
