LAOAG CITY – Kalikagum ni Vice President Sara Duterte a makaala ti ebidensia manipud iti prosecution ken defense a naiprisentar iti impeachment trial.
Daytoy ket kagiddan ti karit ni Senador Erwin Tulfo a nasken nga iruar ti Bise Presidente dagiti dokumento iti panagusar iti pundo ti gobierno iti opisina idi sekretario pay laeng ti Department of Education.
Inbatad ni Duterte nga uray gagemna a makaala ti ebidensia ket saan met daytoy a mapasamak.
Kunana a sagsaganaanen dagiti abugadona dagiti sungbat gapu ta sigurado nga iti nabatbati a tawenna iti puesto ket adda manen ti mangipila ti impeachment complaints.
