LAOAG CITY – Nakitaripnong ni Vice President Sara Duterte kadagiti supporters-na iti nabara a panagsuportada kenkuana ken ti pamiliana kabayatan ti panagturongna idiay Munich, Germany.
Dumanon iti 22 a Pilipino ti nagatendar iti taripnong a manipud pay idiay Switzerland, Austria ken dadduma pay a paset ti Germany pakairamanan ti grupo nga Hakbang ng Maisug International Germany.
Nagyaman ni Vice Pres. Sara kadagitoy iti orasda ken panawen nga inpaayda kenkuana ken iti pamiliana.
Iti nasao a taripnong, inpetteng ni Vice Pres. Sara kadagiti nagatendar a Pilipino a dakkel ti utang ti nakemna kadagitoy gapu iti suporta nga ipapaayda sipod ken ni dati a Presidente Rodrigo Duterte agpapan iti daytoy a gundaway.
Adda iti Munich ti Bise Presidente ken ti pamiliana para iti personal a bakasion.
Dinakamat ni VP Sara nga adu kadagiti supporter-na ket aggasgastos ti bukudda a kuarta tapno makatulong kadagiti umili a marigrigat.
Inkari ni Duterte nga agtultuloy nga agbalinda a mapagtalkan tapno maserbian dagiti umili iti pagilian ken kadagiti dadduma a lugar.
Adda dagiti sumagmamano a kumunkontra ken ni Duterte iti timing ti bakasionna gapu iti nakaro a layus idiay Metro Manila ken dadduma a lugar.
Inlawlawag met ti Office of the Vice President a nabayagen a nakaplano ti bakasion ken iresrespetarda ti privacy-na.
