LAOAG CITY – Inlawlawag ni Vice President Sara Duterte a saan a pammabalaw ti nagbalin a rakurakna iti pagdududuaan a panaglako ti administrasion iti ₱20 iti kada kilo ti bagas iti Visayas.
Inpettengna a masdaaw daytoy iti timing ni Presidente Ferdinand Marcos Jr. iti panaglako ti bagas.
Inlawlawagna nga idi pay laeng 2022 nga inkari ni Presidente Marcos nga ipababana iti ₱20 iti kada kilo ti bagas.
Kunana a masdaaw pay isuna no apay nga iti laeng Visayas ti nakaipatungpalan ti presio ti bagas no sadinno a maipagarup a nakapsot dagiti kandidato ti administrasion iti lugar.
Immunan nga inbutaktak ni Vice President Sara ti kellaat a panangpaayab ti Malakanyang ti panagtataripnong kadagiti Gobernador iti Visayas kagiddan ti panangilako iti nasao a lugar ti ₱20 iti kada kilo iti presio ti bagas.
