Naarestar ti maysa a wanted person iti Brgy. Navagan, Aparri, Cagayan babaen ti nagtipon a pwersa ti Appari Municipal Police Station 2nd PFMC, Ilocos Norte Police Provincial Office (INPPO) ken PIU nga indauloan ni PMaj. Joseph Baltazar.
Nabigbig ti akusado a ni Jaret Saboya y Nortes, agtawen ti 47, vendor ken tubo iti Brgy. Navagan, Aparri, Cagayan.
Ti warrant of arrest ket inparuk-at ni Philip G. Salvador, presiding judge ti RTC Branch 13 ditoy siudad ti Laoag idi Marso 23, 2003 gapu iti kaso a panagsalungasing ti RA 6425 wenno “The Dangerous Drugs Act of 1972.”
Nu pay kasta, awan ti nairekomndar a piyansa ti nasao nga akusado.
Nagtalinaed iti kustodiyar ti PNP Aparri ti akusado sakbay a maipaima iti korte a naggapuan ti warrant of arrest.
