LAOAG CITY – Inpakaammo ni Dr. Rodrigo Catcatan, mangidadaulo ti City Health Office ti panangrugi ti weight loss challenge ditoy siudad ti Laoag.
Inbatadna a dagiti nakipaset ket dimmalan ti screening iti opisinada ket masapul a bumaba ti kiloda a maibasar iti naala a baseline ti kiloda.
Malaksid iti daytoy, kunana a kasapulan ti panag-diet ken panagehersisioda tapno bumaba ti kiloda ken adda mang-monitor kadakuada tapno makita ti kinatalgedda.
Innayonna a dakkel a karit daytoy gapu ta ti kangrunaan a gagemda ket makissayan wenno lumag-an ti kiloda iti unos ti tallo a bulan.
