LAOAG CITY – Kinumpirmaran ni Will Ashley a naurnosen ti saan da a panagkinnaawatan ken ni Sofia Pablo ken mangnamnama a maurnos met ti amin iti nagbaetan ti aktres ken ni Jillian Ward.
Ummunan a nadakamat ni Sofia a sumagmamanon a tawen a saan da a nagsarsarita kenni Will.
Nupay kasta, napagsaritaan da ken naurnos ti amin iti nagbaetan da sakbay nga agkatrabaho da iti maysa a serye.
Segun kenni Sofia, sakbay pay a mangrugi ti taping ket nakapagsarita dan kenni Will ken mamati a napasanak daytoy gapo ta agpada da a mangayat a maurnos ti amin.
Iti met panangkumpirmar ni Will iti daytoy, kunana nga arig na maysa a siit ti naikkat kenkuana kalpasan ti sumagmamano a tawen.
Inlawlawag na nga idi ket saan da laeng a naikkan ti tsansa a nakapagsarita nangruna ket agpada da a makumikom iti karera da.
Mamati met ni Will nga anyaman ti saan a nagkinnaawatan da Sofia ken Jillian ket panawenen tapno maurnos daytoy.
