LAOAG CITY – Inbatad ti Department of Education (DepEd) a nasurok a 2.4 milyon nga estudyante ti namnamaen a mairanud manipod iti government subsidies para iti private education iti School Year 2026-2027, idinto nga inyalud-od ti ahensiya ti tulong para iti low-income learners a naka-enroll iti pribado a pagadalan.
Iti maysa nga statement, inbatad ti Department of Education nga adda ti 990,000 junior high school students ti masakupan iti babaen ti Educational Service Contracting (ESC) program, idinto a 1.47 million a senior high school students ti naituding met a makaawat ti tulong iti babaen ti Senior High School Voucher Program (SHS-VP).
Ti subsidiya ket bimmagsak iti babaen ti Expanded Government Assistance to Students and Teachers in Private Education (E-GASTPE) program, a mangipapaay ti financial support kadagiti estudyante iti pribado a pagadalan ken salary assistance para kadagiti mangisursuro.
Inrakurak ni Education Secretary Sonny Angara a ti programa ket gagem na a matulungan ti pamilya para iti magastos dagiti agad-adal kabayatan ti pannakaipalawa dagiti nailet a pampubliko a pagadalan.
Inpaganetget ni Angara a saan a rumbeng nga agsardeng iti panagadal ti maysa nga ubing gapu iti kinakurang ti kwarta, ken masapol a ti tulong ti gobierno ket rumbeng a dumanon kadagiti pamilya a kangrunaan nga agkasapulan.
