LAOAG CITY – Awanen iti kustodyar dagiti otoridad ti Czech Republic ni dati nga Ako Bicol party-list Rep. Zaldy Co.
Daytoy ti kinumpirmaran ni acting Justice Secretary Fredderick Vida.
Ni Co ket wanted iti Pilipinas gapu kadagiti kaso a korapsyon ken malversation of public funds mainaig iti maipagarop a pannakairaman na iti ghost flood control project.
Maipalagip a nakikoordinar ken nakipagkita a dagus ni Vida kadagiti Czech officials sumagmamano nga aldaw kalpasan nga inwaragawag ni President Ferdinand “Bongbong” Marcos, Jr., a ni Co ket natiliw gapu iti kaawan ti umiso a dokumento na ken naikabil iti kustodyar ti Czech Republic.
Nupay kasta, kinumpirmaran metlaeng ni Vida a ni Co ket nagtalinaed iti Schengen area.
