LAOAG CITY – Umabot iti 13 a tattao ti natay iti nalawa a layos iti ciudad ti Accra idiay Ghana.
Napasamak ti layos kalpasan ti sumagmamano nga aldaw a panagtudtudo na ti napigsa iti lugar.
Mainaig iti daytoy, binalakadan ti gobierno dagiti residente nga agtalinaed iti uneg ti balay wenno mapan paylaeng iti nangatngato a lugar kalpasan a nagballaag ti meteorological agency a namnamaen pay ti agtultuloy a panagtudo na ti napigsa kadagiti sumarsaruno nga aldaw.
Nangiwaras met a dagus ti emergency response teams kadagiti nalayos a paset ti Ghana, karaman ditoy dagiti pulis, fire service, military ken ti National Disaster Management Organization.
Ti napasamak a layos ket nangitunda pay ti dakkel nga uram ken pannakaserrek dagiti paktorya iti ciudad.
Maibilang ti ciudad ti Accra kas kaalistoan ti panagdur-as na a ciudad iti Africa, ken addaan daytoy ti populasyon a nasurok nga 4 a milyon, maibasar iti World Health Organization (WHO).
