LAOAG CITY – Maragsakan dagiti 133 nga hog raiser iti ciudad ti Batac a naapektaran ti African Swine Fever kalpasan a naawat dan ti assistance manipud iti lokal a gobierno.
Ti pannakaibunong ti assistance ket naiyuswat iti Barangay Tabug nga isu met ti ummuna a naapektaran ti ASF iti nasao a ciudad.
Segun kenni Mr. Rodolfo Gappi, maysa kadagiti hog raiser, dakkel ti panagyaman da gapo ta naawat nan ti agarop 111 ribo a pisos.
Inbatad na a nupay ti nasao a kantidad ket bassit no ikumpara iti gastos na iti panagtaraken iti 69 a baboy ngem masuar na daytoy para iti panangrugi nanto manen nga agtaraken.
Naamoan nga umabot iti nasutok maysa a milyon a pisos ti inpaay ti lokal a gobierno ti Batac.
Inlawlawag met ni Mayor Albert Chua a kada baboy a naikali ti bayadan da.
Manmanama nga addan to pay ti sumaruno a bansada nga hog raiser ti maipaayan ti tulong pinansyal.
