LAOAG CITY – Mapatta-patta a 30 agingga 40 nga indibidual ti mapagam-amkan a na-trap wenno napupok kalpasan a narpuog ti maysa a maipatpatakder a siam a kadsaaran nga hotel iti Teodoro Street, Barangay Balibago, parbangon ti Domingo, Mayo 24.
Napasamak ti pannakanarpuog ti konkreto nga istruktura, agarup alas-3:00 ti parbangon nga insigida a nangitunda ti maysa a nalawa a multi-agency rescue operation.
Inbatad ni Angeles City Information Officer Jay Pelayo, nupay saan pay a nalawag ti eksakto a situasion iti sirok ti narpuog a semento, agresibo nga ipatpatungpal dagiti otoridad ti search plan-da.
Kabayatanna, walo nga indibidual ti magmagna laeng iti lugar ti balligi a na-rescue.
Nagsagaba dagitoy ti gasgas, ken manarimaan nga addan iti stable a kondision.
Malaksid kadakuada, natalged met a na-rescue ti project foreman ken 10 a construction workers.
Segun iti foreman, adda pay ti kakaduada a nabati iti uneg.
Personal nga idadaulon ni Angeles City Mayor Carmelo Lazatin Jr. ti on-site response kaduana ti Angeles City Disaster Risk Reduction and Management Office (ACDRRMO), Philippine National Police (PNP), Bureau of Fire Protection (BFP) ken dagiti lokal nga opisial ti barangay.
Iti baet a narisgo iti lugar, sigsiguradoen ti lokal a gobierno ti Angeles City nga aramidenda ti amin tapno ma-rescue pay dagiti mapukpukaw nga indibidual.
Nangiwayat ti Local Government Unit ti imbestigasion iti legal a pagtaktakderan ken structural history ti pasdek tapno maberipikar dagiti permit daytoy.
