LAOAG CITY – Natiliw dagiti 15 nga indibidual gapu iti panagsusugal dagitoy iti ay-ayam a “Pepito” iti maysa a pagtaengan iti Brgy. 55-A Barit ditoy siudad ti Laoag.
Naiyuswat ti operasyon babaen kadagiti kameng ti PNP Laoag iti supebisyon ni Police Lt Col. Rafael Lero, kameng ti INPPO ken PRO1.
Nakumpiskar dagiti otoridad ti maysa a set ti baraha, pusta nga agdagup iti 4,036 a pisos, lamisaan, dagiti tugaw ken dadduma pay a nausar iti iligal a panagsugal.
Maisagsaganan ti maipila a reklamo seknan iti panagsalungasing iti PD 1602 wenno Illegal Gambling.
