LAOAG CITY – Immadu ti bilang dagiti peddlers ken ambulant vendors ditoy siudad ti Laoag.
Segun ken ni Atty. Charito Malicad, Officer In Charge ti Business Permit and Licensing Office ditoy siudad ti Laoag, maragsakan daytoy gapu ta addaanda amin dagitoy ti permit kas maysa kadagiti requirement ti aglako.
Inbatadna a daytoy ti pagsayaatanna ti panangiproseso wenno panangalada ti permit tapno saan nga agriri dagiti maseknan nga addaan ti permit-na.
Inlawlawagna a daytoy ket tapno naur-urnos ti panaglakoda kasta pay nga awan ti tumaod a problema kangrunaan kadagiti adda ti puestona.
Kabayatanna, gutgutigoten ni Malicad dagiti adda ti planona nga aglako wenno dagiti peddlers nga agala ti permit tapno adda ti pammalubosda nga aglako dagitoy.
