LAOAG CITY – Manamnama ti pannakaipasdek ti building ti 1st Provincial Mobile Force Company iti ili ti Vintar kalpasan ti pannakapirma ti deed of donation iti lokal a gobierno iti biang ti Ilocos Norte Police Provincial Office.
Daytoy ket kalpasan a naangay ti signing of deed of donation iti opisina ni Mayor Richard Degala iti ili ti Vintar no sadinno ti nadakamat a deed of donation ket addaan ti 1,500 square meters para iti pannakaipasdek ti 1st Provincial Mobile Force Company building itii Brgy. 31 iti nadakamat nga ili.
Mainaig iti daytoy, iti signing of deed of donation ket inatendaran ni Ilocos Norte Police Provincial Office Provincial Director P/Col Frederick Obar, pakairamanan ti Logistic and Finance Officer, 1st Provincial Mobile Force Company Commander P/Lt/Col Jayson Batuyong ken dadduma pay.
Immunan iti daytoy, kiniddaw ti Ilocos Norte Police Provincial Office ti lokal a gobierno a maidonar ti nasao a lote pakaitakderan ti nasao a pasdek idinto a inawat ti mayor manipud iti Sangguniang Bayan ti pannakaoprabar ti nasao a kiddaw.
Kabayatanna, mamati ni Degala a babaen ti pannakaipasdek ti 1st Provincial Mobile Force Company building ket naan-anay ti kinakappaia ken urnos ti dadduma pay a kasapulan ti wagas tapnu masalakniban ti kinatalged dagiti umili.
