LAOAG CITY – Inlawlawag ni Atty. Elreneo Kidd Castro ti Precautionary Hold Departure Order a naisyu kontra ken ni dati nga Speaker Martin Romualdez.
Inbatad ni Castro a daytoy ket ti pananglapped ti korte a rumuar ti opisyal iti Pilipinas tapno laeng ag-precaution, ngem saanna a kayat a sawen nga adda ti imputation penalty a naipataw.
Kuna pay ti abogado a kweskwestyunaren daytoy ti kampo ni Romualdez gapu ta nalawag a nalabsing ti constitutional right, partikular ti panagbiyahe a rumuar iti pagilian.
Malaksid iti daytoy, inawagan pay ti kampo ni Romualdez ti addang kas “premature” gapu ta awan pay ti naiparuk-at a warrant of arrest kontra iti agpanpanday linteg.
Inpalgak pay ti kampo ni Romualdez nga awan pay ti probable cause dagiti alegasyon kontra iti dati nga speaker nga adda ti pakainaigan ti flood control anomaly nga isu ti ground iti panangimplementar ti Precautionary Hold Departure Order kontra kenkuana.
Maipalagip nga agbiyahe koma nga agturong idiay Singapore ni Romualdez tapno agpacheck-up ngem saan a napalubusan.
