LAOAG CITY – Inlawlawag ti maysa a Private Lawyer a ni Atty. Elreneo Kidd Castro a maipawil ti misleading questions iti korte.
Daytoy ket kalpasan ti panagsinnungbat ti dua nga abogado manipud iti defense team ken prosecution team kabayatan iti agtultuloy nga impeachment trial.
Inbatad ni Atty. Castro a nakailanad iti rules of evidence a ti leading question ket masungbatan laeng ti “wen” wenno “saan” no sadinno nga as-asistaren ti agsalsaludsod ti testigo ti panagsungbat.
Kunana a ti misleading question ket nakailanad iti Article, Rule 132 Section 10 nga adda ti presumption iti statement wenno assumptions a kontraenna ti direct testimony ti witness.
Inpakaammona a mabalin ti leading questions nga usaren ti korte gapu ta daytoy ket mausar iti preliminary stage wenno introduction a mangestablisar ti surrounding circumstances ti maysa a partikular a kaso.
Mainaig iti daytoy, iyestablisar wenno paneknekan dagiti abogado ti truthfulness wenno ti fact a nadakamat iti direct testimony kalpasan iti presentation ti witness ken cross examination.
Inpettengna a no saan a na-object ti maysa a misleading question ket ma-entertain, admitaren ken maikabil iti rekord daytoy ken addan ti pammaneknek iti statement.
Gapu iti daytoy, kasapulan nga attentive dagiti abogado nga ag-object gapu ta kunana nga aramiden amin ti kabaelan ti depensa tapno mangiruar ti facts manipud iti partikular a prosecution witness.
Innayonna nga adda iti ima ti presiding judge ti insigida a mang-recognize no ti saludsod ket ma-sustain wenno ma-deny.
